Biletforteljinga

Ei av oppgåvene dette semesteret var å lage ei biletforteljing i Photostory 3, med eit norskfagleg innhald. Ei sleit litt med å finne ut kva slags tema eg skulle ta utgangspunkt i (det kan ofte vere vanskeleg når ein har for mykje å velje mellom), men eg landa til slutt på korleis ein kan bruke naturen til å lære og arbeide med bokstavar på småtrinnet. Eg har stor tru på undervisning utomhus, og borte frå stol-og-pult-arbeid, slik at elevane kan jobbe praktisk med læringsarbeid samstundes som dei får sjansen til å bevege seg. Det finnes mange muligheiter for praktisk arbeid utomhus innanfor dei fleste fag i skulen, så lenge ein som lærer er engasjert og villig til å planlegge slik undervisning.

I biletforteljinga skisserte eg korleis elevane kan jobbe med bokstavar utomhus, mellom anna ved å skrive/forme dei med ulike materialar dei sjølv kan finne i skogen eller i fjæra. Ideen har utgangspunkt i ein artikkel vi leste i fjor som handlet om 6-åringers konsentrasjonsevner og behov for fysisk aktivitet, og forskjellane mellom kjønna. Det ble mellom anna beskrive korleis ein lærer hadde laga eit undervisningsopplegg til ein førsteklasse, då dei hadde I som ukas bokstav. Ho kledde seg då ut som ein indianar, og hang opp mange is i trea i skulegarden.  Ispinnane brukte elevane til å lage bokstaven I på bakken i ulike størrelsar. Eg tenkjer at liknande aktivitetar kan planleggjas for alle bokstavane, og kanskje vil slike opplegg bidra til ei god skrive- og leseutvikling, å motivere fleire elevar til å øve seg på å skrive og forme bokstaver.

Er det nokon som hugsar kven som hadde skrevet denne artikkelen? Eg trur tittelen var «Gutter, skolens tapere?».